रेनवाॅटर हाॅर्वेस्टींग

You Are Here: Home / Archives / Tag / रेनवाॅटर हाॅर्वेस्टींग

आता सार्वजनिक बोरवेललासुद्धा जलपुनर्भरण यंत्रणा

Categories:

 

  • जलपुनर्भरण करिता शहरातील सर्व बोरवेलला ही यंत्रणा तयार करण्यात येईल – आयुक्त काकड़े
  • इको-प्रो च्या प्रयत्नाची आयुक्ताकडून पाहणी
  • इको-प्रो चे ‘रेनवाटर-वेस्ट वाटर हार्वेस्टिंग’ संकल्प वर्ष – महानगरपालिका सोबत करणार जनजागृती

चंद्रपूर : शहरातील सार्वजनिक बोरवेल ला जलपुनर्भरण यंत्रणा उभारण्याकरिता इको-प्रो तर्फे तयार करण्यात आलेल्या बोरवेल च्या यंत्रणेची ची पाहणी आज महानगरपालिकेचे आयुक्त संजय काकडे यांनी भेट देत केली.

मागील वर्षी 5 जून 2018 पासून इको-प्रो ने रेनवाटर हार्वेस्टिंग जनजागृती व संकल्प अभियान सुरु केले होते. महानगरपालिका व इको यावर संयुक्तपणे कार्य करित आहे. यासोबत इको-प्रो ने जिल्हाधिकारी यांचेकडे वेकोली च्या सीएसआर मधून नागरिकांना अनुदान देण्यात यावे अशी मागणी इको-प्रो ने केली होती. वेकोली कडून अनुदान मंजूर करण्यात आल्याने आता प्रत्येक नागरिकांना घरी रेनवाटर हार्वेस्टिंग यंत्रणा उभरण्यास 5 हजार चे अनुदान मिळणार आहे. यात पालिका कडून अडीच हजार तर वेकोली कडून अडीच हजार देण्यात येईल. या निधी मधून सार्वजनिक बोरवेल चे वाया जाणारे पाणी तिथेच जमिनीत पुनर्भरण करता यावे म्हणून सार्वजनिक बोरवेल जवळ यंत्रणा उभारन्याची मागणी सुद्धा करण्यात आलेली होती. सदर मागणी करिता आयुक्त यांनी सकारात्मकता दर्शवील्याने आणि पुढाकार घेतल्याने इको-प्रो ने महानागरपालिकेच्या खर्चाने विठ्ठल मंदिर वार्ड मधील 2 बोरवेल नमूना म्हणून सदर यंत्रणा तयार केली आहे. या बोरवेल ची पाहणी आज आयुक्त काकड़े यांनी केली. सदर प्रकल्प अत्यंत महत्वपूर्ण असून अतिशय योग्यरित्या बांधकाम केल्याचे तसेच याच पद्धतीने शहरात सर्व बोरवेल ला यंत्रणा उभारुन जलपुनर्भरण करण्यात येईल असे स्पष्ट केले. यावेळी पालिकेचे अभियंता रवि हजारे, इको-प्रो चे बंडु धोतरे, नितिन रामटेके, धर्मेंद्र लुनावत, अमोल उत्तलवार, सचिन धोतरे, सुनील मिलाल उपस्थित होते.

सार्वजनिक बोरवेल चे जलपुनर्भरण सोबतच लगतचे घराचे रेनवाटर हार्वेस्टिंग शक्य होईल

शहरातील सार्वजनिक बोरवेल ला लागून 4 फुट लांब व 4 फुट रुंद व 4 फुट खोल गड्डा करून शोषखड्डा तयार करण्यात आले असून, यामधे तयार कांक्रीट पाइप टाकण्यात आलेले आहे. त्यात गिट्टी, चुरी, बदरी असे फ़िल्टर माध्यम टाकण्यात आलेले आहे. दिवसभर बोरवेल वर पाणी भरताना वाया जाणारे पाणी जमिनीत जिरविले जाईल. यासोबत पावसाळ्यात लगतच्या घरावरिल पावसाचे पाणी सुद्धा रेनवाटर हार्वेस्टिंग केले जाईल.

प्रत्येक घरी करणार ‘रेनवाॅटर हाॅर्वेस्टींग’

Categories:

उपगंलावार लेआउट मधील नागरीकांचा संकल्प
इको-प्रोच्या रेनवाॅटर हाॅर्वेस्टींग अभियानास नागरीकांचा सकारात्मक प्रतिसाद

चंद्रपूरः इको-प्रो संस्थेच्या वतीने राबविण्यात येत असलेल्या ‘रेनवाॅटर हाॅर्वेस्टींग’ जनजागृती अभियानास नागरीकांचा उस्फुर्त प्रतीसाद मिळु लागला आहे.
5 जुन ‘जागतीक पर्यावरण दिनाचे औचित्य साधत इको-प्रो संस्थेच्या वतीने चंद्रपूर शहरात ‘रेनवाॅटर हाॅर्वेस्टींग जनजागृती व संकल्प अभियान’ सुरू करण्यात आलेले आहे. या माध्यमाने संस्थेच्या सदस्यांनी संस्थेचे अध्यक्ष बंडु धोतरे व पर्यावरण विभाग प्रमुख नितीन रामटेके यांच्या मार्गदर्शनात शहरात ठिकठिकाणी फिरून, पब्लीक स्पेस, बागेत, जिल्हा स्टेडीअम येथे पत्रके वाटुन, छोटेखानी बैठका घेत शहरातील भुजल पातळी खालावत जात असल्याबाबत, आपल्या घरी बोरवेल-विहीरींना रेनवाॅटर हाॅर्वेस्टींगची गरज आदी बाबत जनजागृती करण्यात येत आहे. या अभियानाच्या माध्यमाने नागरीकांना पावसाचे पाणी आपल्या घरांच्या छतावर पडल्यानंतर त्याचे भुुजल जल पुर्नभरण कसे करायचे याबाबत तांत्रीक मदत देण्यात येणार आहे. यामुळे नागरीकांना सुध्दा आता पाण्याचे महत्व पटु लागले आहे. नागरीकांच्या मागणीनुसार त्या-त्या भागात जाउन छोटेखानी कार्यक्रम घेण्यात येत आहे.
अशा पध्दतीने तुकुम, गुरूव्दारा परीसरातील उपगंलावार लेआउट मधील नागरीकांनी रविवारला सकाळच्या वेळेस इको-प्रोच्या माध्यमाने काॅलनीमधील नागरीकांसाठी रेनवाॅटर हाॅर्वेस्टींग जनजागृती व आवश्यक्ता याबाबत छोटेखानी बैठक आयोजीत करण्यात आलेली होती. बैठकीनंतर पावसाचे पाणी आपल्या बोरवेल व विहीरीस पुर्नभरण करण्यासंदर्भात तयारी दर्शवीली. सर्वानी सकारात्मक प्रतिसाद देत शहरातील रेनवाॅटर हाॅर्वेस्टींग पहीली काॅलनी असेल असा संकल्प सुध्दा केला. विशेष म्हणजे या काॅलनीतील नागरीकांनी 100 पेक्षा अधिक झाडे लावत त्यांचे संगोपन करून त्याची जोपासना केलेली आहे. सदर काॅलनीत फिरतांना हिरवीगार होण्यामागे त्याचे प्रयत्न दिसुन येतात. संस्थेचे अध्यक्ष बंडु धोतरे यांनी काॅलनीच्या पर्यावरणपुरक बाबी राबविण्याकरीता तसेच रेनवाॅटर हाॅर्वेस्टींग जनजागृती अभियानात सहभागी होत संकल्पासाठी सर्व नागरीकांचे अभिनंदन करीत आभार व्यक्त केले आहे.
यावेळी उपंगलावार काॅलनीतील राजेश सिंग चैहान, सदर लेआउट समीतीचे अध्यक्ष सतीश अवताडे, उपाध्यक्ष तुषार देशमुख, हरीश अग्रवाल, सचिव श्रावण नन्नावरे, हेमंत गज्जलवार, हरडे सर, मनीष कन्नमवार, नागदेवे सर, फटींग सर, प्रशांत वैदय, पाठक मॅडम, अग्रवाल मॅडम, हिवरे सर, बागडे सर, कामडे सर, मुगल सर आदी प्रामुख्याने उपस्थित होते तर इको-प्रो चे बिमल शहा, प्रमोद मलीक, सुधीर देव, अमोल उटटलवार, सचिन धोतरे, सुनील पाटील, धर्मेद्र लुनावत, आकाश घोडमारे, राजु काहीलकर आदी सहभागी झाले होते.
चंद्रपुर शहरातील भुजल पातळी वाढविण्यास ‘रेनवाॅटर हाॅर्वेस्टींग’ लोकचळवळ व्हावी याकरीता प्रत्येक नागरीकांची गरज असुन कुणाची वाट न बघता यंदा पावसाळयात माझ्या घरांच्या छतावर पडणारे पाणी वाहुन जाउ न देता, मी बोरवेल-विहीरीत रेनवाॅटर हाॅर्वेस्टींग करून सोडणार असा संकल्प प्रत्येक नागरीकांनी करावे असे आवाहन बंडु धोतरे यांनी केले आहे.

रेनवाॅटर हाॅर्वेस्टींगकरिता सीएसआर फंडातून अनुदान द्या

Categories:

इको-प्रोची मागणी – पालकमंत्री, आमदार व जिल्हाधिकारी यांचेकडे केली मागणी

चंद्रपूर- इको-प्रो चे रेनवाॅटर हाॅर्वेस्टींग जनजागृती अभियान सुरू असुन या माध्यमाने आज जिल्हाधिकारी यांना निवेदन देत सिएसआर फंडातुन सुध्दा नागरीकांना अनुदान देण्याची मागणी करण्यात आलेली आहे.
चंद्रपूर शहर हे औदयोगीक शहर आहे, या शहरालगत कोळसा खाणी, विदयुत प्रकल्प, स्टिल उदयोग, एमआयडीसी मधील उदयोग आदी आहेत. उदयोगांचे प्रदुषणामुळे चंद्रपूर शहर देशात प्रदुषणाच्या क्रमवारीत अग्रस्थानी आहे. आता तर सर्वाधीक तापमानाचे शहर म्हणुन सुध्दा देशात नाही तर जगात समोर येउ लागले आहे. अशा स्थितीत चंद्रपुर शहराची भुजल पातळी दिवसागणीक खालावत चालली आहे. शहराच्या नागरीकांकडुन खोदण्यात आलेल्या 200-250 फुट खोल बोरवेल मधुन पाणी उपसा होतोच मात्र, सभोवताल असलेल्या कोळसा खाणीच्या भुगर्भातील पाणी सतत उपसा केला जातो. ही सुध्दा भुजल पातळी खालावण्याचे महत्वाचे कारण आहे. चंद्रपुर महाऔष्णीक विदयुत केंद्र यामुळे होणारे प्रदुषण, तापमानातील वाढ, स्टिल उदयोग, इतर उदयोगाचे जलप्रदुषण यामुळे चंद्रपूर प्रदुषणाची तिव्रता नागरीक सहन करीत आहे. 
सध्या चंद्रपूर शहरात रेनवाॅटर हाॅर्वेस्टींग लोकचळवळ होउ पाहत आहे तेव्हा उदयोगांचा सुध्दा हातभार लागावा, पर्यावरणीय या उपक्रमाच्या माध्यमातुन भुजल पातळी वाढविण्यास उदयोगांनी पुढाकार घ्यावा याकरिता उदयोगांच्या सिएसआर फंडातुन सुध्दा अडीच हजाराचे योगदान देता यावे, याकरीता जिल्हा प्रशासनाने पुढाकार घ्यावा अशी मागणी जिल्हाधिकारी सह, पालकमंत्री, आमदार यांचेकडे करण्यात आलेली आहे. 

यंदा चंद्रपूर शहरात निर्माण झालेली भिषण पाणी टंचाई आणि दिवसागणीक भुगर्भातील जलपातळी खालावत जात असल्याने इको-प्रो संस्थेच्या वतीने ‘जागतीक पर्यावरण दिन’ 5 जुन 2019 पासुन ‘रेनवाॅटर हाॅर्वेस्टींग जनजागृती व संकल्प अभियान’ सुरू करण्यात आले असुन या अभियानाच्या माध्यमातुन शहरात सर्वत्र फिरून संस्थेचे कार्यकर्ते नागरीकांशी संवाद साधुन रेनवाॅटर हाॅर्वेस्टींग चे महत्व समजावुन सांगत आहे. भुजल, भुजलाचे महत्व, भुजल पुर्नभरण, रेनवाॅटर हाॅर्वेस्टींग आदी बाबी संदर्भात विस्तृतपणे जनजागृती करण्यात येत आहे.  
सदर अभियानाला नागरीकांचा उस्फुर्त व सकारात्मक प्रतिसाद मिळत आहे. चंद्रपूर शहर महानगरपालीका कडुन रेनवाॅटर हाॅर्वेस्टींग करीता अडीच हजार रूपयांचे अनुदान देण्यात येणार आहे. मात्र, एकंदरीत संपुर्ण रेनवाॅटर हाॅर्वेस्टींग करण्यास नागरीकांना अधिक खर्च असल्याने, तसेच नागरीकांना अधिक प्रोत्साहन मिळावे याकरीता अडीच हजार अतिरीक्त अनुदान जिल्हयातील उदयोगांकडुन सिएसआर फंडातुन देण्यात आल्यास एकुण प्रत्येक नागरीकास 5 हजार रूपयाचे अनुदान देणे शक्य आहे. शहरात सुरू असलेले रेनवाॅटर हाॅर्वेस्टींग अभियान अधिक व्यापक आणि राज्यातील इतर शहरांकरीता पथदर्शक व्हावे याकरीता स्थानीक नागरीक, स्वंयसेवी संस्था, चंद्रपूर शहर महानगरपालीका, जिल्हा प्रशासन व जिल्हयातील उदयोग समुह एकत्रीत येत कार्य करण्याची नितांत गरज असल्याचे मत संस्थेचे अध्यक्ष बंडु धोतरे यांनी व्यक्त केले आहे. 
या अभियानात सर्वच घटक आता कामाला लागले असुन लवकरच याचे सकारात्मक परिणाम दिसुन येतील अशी आशा व्यक्त केली जात आहे. प्रदुषीत, अती तापमान असलेल्या चंद्रपूर शहरातील भुजलाची पातळी वाढवण्याच्या दृष्टीने महत्वाचे या प्रकल्पास सिएसआर फंडातुन मदत झाल्यास या अभियानास गती देणे शक्य होईल. या मागणीचे निवेदन आज इको-प्रो तर्फे जिल्हाधिकारी यांना निवेदन देण्यात आले. सदर निवेदन निवासी उपजिल्हाधिकारी घनश्याम भुगांवकर यांनी स्विकारले. यावेळी संस्थेचे अध्यक्ष बंडु धोतरे, पर्यावरण विभाग प्रमुख नितीन रामटेके, अनिल अडगुरवार, आकाश घोडमारे, सचिन धोतरे उपस्थित होते.